काठमाण्डु– राष्ट्रिय स्वतन्त्र पार्टीका सभापति रवि लामिछानेमाथि लगाइएको सम्पत्ति शुद्धीकरण तथा सङ्गठित अपराधसम्बन्धी मुद्दा फिर्ता लिने महान्यायाधिवक्ताको निर्णयविरुद्ध रिट निवेदन दायर भएको छ।

शुक्रबार अधिवक्ता दिनेश त्रिपाठी र युवराज सफलले सर्वोच्च अदालतमा महान्यायाधिवक्ताको निर्णयविरुद्ध रिट निवेदन दायर गरेका हुन् ।

रिट दर्ता प्रक्रियामा रहेको छ ।

महान्यायाधिवक्ता सविता भण्डारीले बुधवार लामिछानेको सहकारी ठगी बाहेकका सम्पत्ति शुद्धीकरण र सङ्गठित अपराधसम्बन्धी मुद्दा फिर्ता गर्ने निर्णय गरेकी थिइन्।