जनप्रतिनिधिलाई धम्की दिएपछि गुण्डा नाइके राधे पक्राउ
काठमाण्डु – गुण्डा नाइके राधाकृष्ण भण्डारी (राधे) पक्राउ परेका छन् । जनप्रतिनिधिलाई धम्की दिएको आरोपमा राधेलाई प्रहरीले बिहीबार धादिङबाट पक्राउ गरेको हो ।
जनप्रतिनिधिले धादिङमा नदीबाट अवैध रुपमा बालुवा निकाल्न नदिएपछि राधेले धम्की दिएका थिए । प्रशासनमा परेको उजुरीका आधारमा राधेलाई पक्राउ गरिएको जिल्ला प्रहरी कार्यालय धादिङका एसपी महेन्द्र खड्काले जानकारी दिए ।
उनीविरूद्ध आज मुद्दा दर्ता गर्न लागिएको एसपी खड्काले जानकारी दिए । भण्डारी नेपाली कांग्रेसको भातृ संस्था नेपाल तरूण दल धादिङका उपसभापति हुन् ।
