काठमाण्डु- नेपाली कांग्रेसका नेता रामअयोध्या प्रसाद यादवको निधन भएको छ। ७२ वर्षको उमेरमा वीरगन्जको अस्पतालमा उपचारको क्रममा उनको निधन भएको हो ।

बाराको सुवर्ण गाउँपालिका–२ कवहीगोठ घर भएका यादवको ७२ वर्षको उमेरमा वीरगन्ज स्थित हेल्थकेयर अस्पतालमा उपचारको क्रममा गएराति निधन भएको छोरा सत्येन्द्र यादवले बताए।

यादव लामो समय देखि मधुमेह रोगबाट ग्रस्त रहेका थिए। उनी २०७० सालको दोस्रो संविधानसभाको निर्वाचनमा बारा निर्वाचन क्षेत्र नम्बर १ मा कांग्रेसबाट निर्वाचित भएका थिए। स्वर्गीय यादव नेपाली कांग्रेस बाराका पूर्व जिल्ला सचिव तथा महासमिति सदस्य समेत रहेका थिए ।

उनको २ छोरा, २ छोरी र श्रीमती रहेकी छिन्।