राष्ट्रिय स्वतन्त्र पार्टी (रास्वपा) को पहिलो महाधिवेशनमा राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देन सहभागी हुने भएका छन्।

पहिलो महाधिवेशनको उद्घाटन सत्रमा अध्यक्ष लिङ्देन सहभागी हुने राप्रपाका प्रवक्ता मोहन श्रेष्ठले जानकारी दिए। 

‘असार ७ गते चितवनमा हुने रास्वपाको प्रथम महाधिवेशन उद्घाटन समारोहमा राप्रपा अध्यक्ष राजेन्द्र लिङ्देन सहभागी भई शुभकामना मन्तव्य राख्नुहुनेछ,’ उनले भने।

रास्वपाले असार ७ गते दिउँसो १ बजे चितवनको भरतपुरमा महाधिवेशनको उद्घाटन समारोह आयोजना गर्ने तयारी गरेको छ। उक्त कार्यक्रममा विभिन्न राजनीतिक दलका शीर्ष नेताहरूलाई पनि आमन्त्रण गरिएको पार्टीले जनाएको छ।