काठमाण्डु – राष्ट्रिय स्वतन्त्र पार्टी (रास्वपा)का सभापति रवि लामिछानेको आह्वानमा बुधबार सर्वदलीय बैठक बस्ने भएको छ ।

बैठक बिहान ११ बजे सिंहदरबारस्थित रास्वपा संसदीय दलको कार्यालयमा बस्ने रास्वपाका प्रवक्ता जगदीश खरेलले जानकारी दिए ।

बैठकमा विपद् जोखिम न्यूनीकरण तथा व्यवस्थापनका लागि उच्चस्तरीय राजनीतिक संयन्त्र गठनबारे छलफल हुने जनाइएको छ ।

खरेलका अनुसार शीर्ष नेतृत्वबीच छलफलका लागि बैठक आह्वान गरिएको हो। यसअघि पनि भोटेकोशी नदी बेसिनमा आएको बाढीबाट भएको क्षतिपछि राजनीतिक दलहरूबिच सर्वदलीय बैठक बसेको थियो ।