समाचार

रुकुम (पूर्व)को सदरमुकाम विवाद संवैधानिक इजलासमा

रुकुम पूर्व – सदरमुकामसम्बन्धी विवाद संवैधानिक इजलासमा पठाइएको छ । प्रधानन्यायाधीश चोलेन्द्रशमशेर जबरा र न्यायाधीश प्रकाशमानसिंह राउतको आइतबारको पूर्ण इजलासले सो मुद्दालाई संवैधानिक इजलासमा पठाउने फैसला गरेको हो ।

dish home

संविधानसँग बाझिने खालका मुद्दालाई सर्वोच्चले संवैधानिक इजलासमा पठाउने गरेको छ । सरकारले निर्णय गरिसकेको र सो निर्णय खारेजको मागसहित परेको मुद्दामा सर्वोच्चले लामो समय बहस गर्दै संवैधानिक इजलासमा पठाएको हो । मुद्दा संवैधानिक इजलासमा पठाइए पनि संवैधानिक इजलासले पेसी तोकेको छैन ।

पक्ष र विपक्षलाई बोलाइयो

संवैधानिक इजलासले सोमबार ११ बजे मुद्दाका पक्ष र विपक्षलाई बोलाएको छ । दुवै पक्षसँग छलफल गरेपछि संवैधानिक इजलासले पेसी तोक्ने बताइएको छ । १७ माघ ०७४ मा परेको रिटमाथि छलफल गर्न आइतबार १७औँ पेसी तोकिएको थियो । गत वर्षको ११ माघमा तत्कालीन प्रधानमन्त्री शेरबहादुर देउवा सरकारले रुकुम पूर्वको सदरमुकाम पुथाउत्तरगंगा गाउँपालिका–१२ गोलखाडामा तोक्ने निर्णय गरेको थियो । सो निर्णयविरुद्ध अधिवक्ता गणेश हमाल, स्थानीय कृष्ण रेग्मी र दत्तबहादुर बस्नेतले १७ माघमा सरकारलाई विपक्षी बनाई सर्वोच्च अदालतमा रिट दायर गरेका थिए ।

सदरमुकाम विवाद अझै लम्बिने
रुकुम (पूर्व)मा विगत एक वर्षदेखि सदरमुकाम विवाद चर्किरहेको छ । सरकारले गोलखाडामा सदरमुकाम तोक्ने निर्णय गरेकै दिनदेखि रुकुमकोटवासी आन्दोलनमा छन् । पछिल्लो समय तत्कालीन सरकारको निर्णय कार्यान्वयनको माग गर्दै गोलखाडा पक्षधर पनि आन्दोलनमा उत्रिएका छन्, जसका कारण अस्थायी सदरमुकाम रुकुमकोटमा एक सातादेखि निषेधाज्ञा जारी गरिएको छ ।

सदरमुकाम रुकुमकोट हुनुपर्ने र गोलखाडामा हुनुपर्ने मागसहित दुई पक्ष आन्दोलनमा उत्रिएपछि जिल्ला प्रशासन कार्यालयले गत आइतबार रातिदेखि रुकुमकोटमा निषेधाज्ञा जारी गरेको हो । यो समाचार आजको नयांपत्रिका दैनिकमा छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top