सुर्खेत – जिल्ला प्रहरी कार्यालय सल्यानको नयाँ भवन निर्माणको लागि जग खन्दा बम भेटिएको छ ।

जग खन्दा ८६ थान बम फेला परेको जिल्ला प्रहरी कार्यालयका प्रमुख प्रहरी नायब उपरीक्षक डा. हेमबहादुर केसी जानकारी दिए ।

भवन निर्माणको लागि जग खन्ने क्रममा ८२ वटा सकेट बम, ३ वटा सुतली बम र १ वटा बोतल बम फेला परेको उनले बताए । शारदा नगरपालिका–३ स्थित कार्यालय परिसरमा भवन निर्माणका लागि जग खन्ने क्रममा शंकास्पद वस्तु फेलापरेपछि आवश्यक सुरक्षा सतकर्ता अपनाइएको थियो ।

जग खन्ने क्रममा शंकास्पद वस्तु फेला परेपछि थप उत्खनन् गरिएको थियो । नेपाल प्रहरी र नेपाली सेनाको संयुक्त टोलीले उत्खननका क्रममा ७ थान रेडियो वेभ उपकरण, करिब ५०० ग्राम विस्फोटक पदार्थ, बम बनाउन प्रयोग हुने २ केजी सामग्री र १० मिटर फायरिङ केबल फेला परेको उनले जानकारी दिए ।