म्याद थपका लागि सन्दीपलाई अदालत लगिँदै
काठमाण्डु – बलात्कार आरोपमा हिरासतमा रहेका क्रिकेटर सन्दीप लामिछानेलाई म्याद थपका लागि आज अदालतमा उपस्थित गराइँदैछ ।
एक १७ वर्षीया किशोरीमाथि बलात्कार गरेको उजुरीका आधारमा असोज २० गते विमानस्थलबाट पक्राउ परेका क्रिकेटर लामिछानेलाई म्याद थपका लागि जिल्ला अदालत काठमाण्डुमा उपस्थित गराउन लागिएको हो ।
प्रहरी वृत्त गौशालाको हिरासतमा राखिएका उनलाई यसअघि अनुसन्धानका लागि सात दिनको म्याद दिइएको थियो । सात दिन सकिएसँगै प्रहरीले उनलाई आज अदालत उपस्थित गराउन लागेको हो।
सन्दीपविरुद्ध गत भदौ ५ गते १७ वर्षीय नाबालिगमाथि जबर्जस्ती करणी गरेको भन्दै भदौ २० गते प्रहरी वृत्त गौशालामा जाहेरी परेको थियो ।