काठमाण्डु – नवनियुक्त संघीय मामिला तथा सामान्य प्रशासनमन्त्री भगवती न्यौपानेले पद तथा गोपनीयताको शपथ ग्रहण गरेकी छन् ।

बुधबार शीतलनिवासमा आयोजित समारोहमा प्रधानमन्त्री केपी शर्मा ओलीको उपस्थितिमा राष्ट्रपति रामचन्द्र पौडेलबाट न्यौपानेले शपथ ग्रहण गरेकी हुन् ।

घुस सम्बन्धी कुराकानी गरेको अडियो प्रकरण सार्वजनिक भएपछि प्रधानमन्त्रीको निर्देशनमा राजकुमार गुप्ताले राजीनामा दिएपछि मन्त्री पद रिक्त भएको थियो । रिक्त मन्त्री पदमा मंगलबार न्यौपानेलाई नियुक्त गरिएको थियो ।