काठमाण्डु- नेपाली कांग्रेसका सभापति शेरबहादुर देउवा प्रधानमन्त्री केपी ओलीसँग छलफल गर्न बालुवाटार पुगेका छन् ।

प्रधानमन्त्री ओलीसँग छलपलल गर्न सभापति देउवाका साथ गृहमन्त्री रमेश लेखक पनि छन् । भिजिट भिसा प्रकरणले सदन अवरोध भएको र विपक्षी दलहरूले गृहमन्त्री लेखकको राजीनामा मागिएपछि पछिल्लो अवस्थाबारे छलफल गर्न सभापति देउवा बालुवाटार गएका हुन् ।

कांग्रेसकै शीर्ष नेताहरुले पनि भिजिट भिसा प्रकरणमा लेखकको राजीनामा मागेका छन् । शेखर कोइराला, सुनिल शर्मा, राजेन्द्र बजगाईंलगायतका नेताहरुले नै गृहमन्त्री लेखकको राजीनामा मागेपछि सभापति देउवापनि दबाबमा छन् । विपक्षीहरुले गृहमन्त्री लेखकको राजीनामालाई बटमलाईन बनाएका छन् । उनीहरुले बुधबारको सदनपनि अवरोध जारी राख्ने भनिसकेका छन् ।

गृहमन्त्री लेखकका निकस्थ उच्च अधिकारीहरू भिजिट भिसा प्रकरणमा अनुसन्धानमा तानिएपछि त्यसमा नैतिकताका आधारमा उनले राजीनामा दिनुपर्ने र स्वतन्त्र छानबिनका लागि सघाउनुपर्ने माग विपक्षी दलहरूको छ।