अन्तरास्ट्रिय

किन तोडे श्रीलङ्काकामा मुसलमानले आफ्नै मस्जिद ?

एजेन्सी – श्रीलङ्काकामा मुसलमानले आफ्नै मस्जिद तोडेका छन् । मुसलमान एमएचएम अकबरले बीबीसीसँगको कुराकानीमा भनेका छन्, ‘इस्टरको दिन हमलापछि हाम्रो बस्तीका गैर मुसलमानले हामीलाई आतंकवादी देखिरहेका थिए ।’
उक्त हमलामा २ सय ५० व्यक्तिको मृत्यु भएको थियो र यसमा मुस्लिम कट्टरपन्थी समूहको हात भएको बताइयो ।

dish home

संसारभरीका मुसलमान रमजानको महिनामा ब्रत राख्छन् र प्रार्थना गर्छन् तर श्रीलङ्कामा मुसलमानको एउटा सानो समुहले आफूलाई हिंस्रक समुहबाट अलग देखाउनका लागि मस्जिद तोडे ।

अकबर खान मदतुंगमाका मुख्य मस्जिदका ट्रस्टी हुन् । उनले बीबीसीसँगको कुराकानीमा ‘अल्लाह’ माथि विश्वास राख्नेहरुले आखिर किन यस्तो कदम उठाए भन्ने जानकारी दिएका छन् ।

अकबर भन्छन, ‘उक्त हमलापछि पुलिसको मस्जिदमा आवतजावत भइरहन्थ्यो । यसै कारण मानिसहरु तनावमा पर्न थाले । उक्त हमलापछि हाम्रो र अन्य समुदायबीच विश्वास निकै खस्किएको छ ।’

कथित रुपमा यो मस्जिदको प्रयोग प्रतिबन्धित चरमपन्थी संगठन तौहिद जमातका सदस्यले गरिन्थ्यो । उक्त समुहमाथि अप्रिलमा द्वीपीय देशमाथि आत्मघाती बिस्फोट गराएको शंका थियो ।

इस्टर हमलापछि श्रीलङ्काली सरकारले देशव्यापी रुपमा तौहिद जमातलाई टार्गेट गर्दै कारवाही सुरु गरेको थियो । उक्त संगठनको तर्फबाट पूर्वी शहर कट्टनकुडीमा एक मस्जिद चलाइँदै थियो जसलाई सिल गरिएको छ ।

मदतुंगामामा यो मस्जिद ऐतिहासिक, धार्मिक वा संस्कृतिक रुपमा महत्वपूर्ण थिएन । यो एउटा भिन्न अति–रुढिवादी मस्जिद समूहद्वारा संचालन गरिँदै थियो जसको उक्त हमलासँग कुनै सम्बन्ध थिएन ।

उक्त कदमबाट थाहा हुन्छ कि चरमपन्थीबाट छुटकारा पाउनका लागि यो समुदायका व्यक्तिहरु कुन हदसम्म जान तयार छन् ।

अकबर भन्छन्, ‘हाम्रो इलाकामा पहिले नै एउटा मस्जिद थियो जसमा मानिसहरु नमाज पढ्थे । तर केही वर्ष अघि केही मानिसहरुले उक्त नयाँ मस्जिद बनाएका थिए ।’

मे महिनामा पुरानो मस्जिदका एउटा सदस्यले बैठक बोलाए जसमा विवादको जड उक्त नयाँ मस्जिदलाई ध्वस्त गरिदिने निर्णय गरियो । स्थानीयले हातमा हथौडा लिएर यो मस्जिदलाई तोडे ।

उनी भन्छन्, ‘हामीले उक्त मस्जिदका कोठाहरु भत्काइदियौं र जग्गाका हकदारलाई उक्त स्थान सुम्पियौं ।’

लगभग ७० प्रतिशत श्रीलङ्काली जनसंख्या बौद्ध धर्म मान्छन् र सबैजना सिंहली भाषा बोल्छन् । १२ प्रतिशत जनसंख्यासहित हिन्दु धर्म देशको दोस्रो ठूलो समुदार हो । त्यसपछि १० प्रतिशत जनसंख्यासहित मुसलमान तेस्रो स्थानमा र ७ प्रतिशत जनसंख्यासहित ईसाई तेस्रो स्थानमा आउँछ ।

Comments

comments

Now Get KathmanduPati App on your mobiles.

Android App iOS App
ad

धेरै पढिएको समाचार

Vianet
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android App iOS App
Scroll to Top