काठमाण्डु– भारतीमा बाबा सिद्धेश्वर नाथ मन्दिरमा भागदौड मच्चिँदा ७ जनाको मृत्यु भएको छ।

आइतबार राति १२ बजे तिर भारतकाे बिहार राज्यको जेहानाबादमा मध्यराति भागदौडमा १० जनाभन्दा बढी घाइते पनि भएका छन्।

जेहानाबादका एसएचओ दिवाकर कुमार विश्वकर्माले भने, ‘डीएम र एसपी घटनास्थलमा पुगेका छन् र स्थितिबारे जानकारी लिइरहेका छन्। कूल ७ जनाको मृत्यु भएको छ।’

उनले भने, ‘हामी उनीहरुका (मृतक र घाइते) परिवारलाई भेटेर जानकारी लिइरहेका छौँ। मृतकको सनाखत गर्ने प्रयास भइरहेको छ। त्यसपछि शव पोस्टमार्टमका लागि पठाउनेछौँ।’

घाइतेहरूको जेहानाबाद सदर र मखदुमपुर सदर अस्पतालमा उपचार भइरहेको छ।