काठमाण्डु-भारतका सीमा सुरक्षा बल (एसएसबी) का महानिर्देशक दलजीत सिंह चौधरी नेपाल भ्रमणमा आउने भएका छन् ।

सशस्त्र प्रहरी बलका आईजी राजु अर्यालको निमन्त्रणामा उनी तीन दिने नेपालको औपचारिक भ्रमणमा आउन लागेका हुन् ।

भदौ ५, ६ र ७ गते काठमाडौंमा हुने सीमा सुरक्षासम्बन्धी आठौं बैठकमा भाग लिन उनी आउन लागेको सशस्त्र प्रहरी बलका प्रवक्ता कुमार न्यौपानेले जानकारी दिए । चौधरी अहिले भारतको बोर्डर सिक्योरिटी फोर्स (बीएसएफि)को प्रमुखको पनि कार्यभार सम्भालेका छन् ।

दुवै देशमा आलोपालो गरी हुने बैठकको आयोजना यसपटक नेपालले गर्दैैछ । सातौं बैठक भारतमा आयोजना भएको थियो । बैठकमा सीमा अपराध, अवैध चोरी निकासी, मावनतस्करीसहितका विषयमा छलफल हुनेछ ।