काठमाण्डु– नेपाल सरकार, सूचना तथा सञ्चार मन्त्रालयले सार्वजनिक सेवा प्रसारण संस्थाको रिक्त रहेको सञ्चालक समितिको अध्यक्ष पदका लागि दरखास्त आह्वान गरेको छ।

शनिवार एक सूचना प्रकाशित गर्दै अध्यक्ष पदमा नियुक्ति सम्बन्धी सिफारिस समितिले सो पदका लागि दरखास्त आह्वान गरेको हो।

सूचना अनुसार, संस्थाको रिक्त अध्यक्ष पदमा प्रतिस्पर्धात्मक प्रणालीद्वारा एक जना उम्मेदवार छनोट गरी नियुक्त गरिनेछ।

इच्छुक र योग्यता पुगेका नेपाली नागरिकले आगामी जेठ १८ गते सोमबार कार्यालय समयभित्र दरखास्त पेश गरिसक्नुपर्नेछ।

विस्तृत विवरणहरू सूचना तथा सञ्चार मन्त्रालयको वेबसाइट www.mocit.gov.np र सार्वजनिक सेवा प्रसारण संस्थाको वेबसाइट www.psbnepal.gov.np मा उपलब्ध गराइएको छ।

हेर्नुहोस् सूचना