सुरक्षा

ठूला मान्छेका क–कसले पाए ठाउँ ?

काठमाडौं– संयुक्त राष्ट्रसंघीय मिसनअन्तर्गत फम्र्ड पुलिस युनिट एफपियु को २३ औं टोलीमा सामेल भई हाइटी र सुडान जाने डफ्फा तयार भएको छ । तर कार्य उत्कृष्टताका आधारमा छनौट हुने भनिएको उक्त टोलीमा आइजिपीका भान्से हवल्दार आशुराम चौधरी,ड्राइभर नरेश रानादेखी प्रचण्डका पिएसओ भगवान कार्कीसम्म परेका छन् ।

dish home

व्रिष्टता र कार्यउत्कृष्टता गरि दुई खाले प्रावधानका आधारमा प्रतिस्पर्धा गर्न पाइने उक्त छनोटका लागी विभिन्न युनिटले सिफारिस गरेका उतकृष्ट प्रहरी कर्मचारी कम,भिआइपी र भिभिआइपीको सिफारिसका अधिकांश परेका छन् । एउटा डफ्फामा १४० जना पठाउँदा थप २२ जनालाई उत्कृष्टताको नाममा चयन गरिन्छ । योग्यता पुगेका मध्येबाट योग्य छान्नलाई दौड गराइन्छ । उत्कृष्टताका नाममा छानिने २२ का लागी केहि पनि गर्नु पर्देन् तर कसैले भनेको हुदैन, भनेर देखाउनका लागी यसपाली २२ जनामा पार्न पनि कुदाइए र बिचैमा फ्याँफ्याँ परेकाहरु पनि छनौटमा परेका छन् । १३८ जनालाई दौडाइयो त्यसमध्ये २२ जना उत्कृष्टको नाममा उत्तीर्ण भए । २२ मध्ये ८ जना त सई दर्जाका छन् । जो विभिन्न नेताको सुरक्षामा परिचालित छन् । बाँकी १४ जनामा आइजीका अघिपछि लाग्ने एआइजी बमबहादुर कार्की , डीआइजी केदारमनासिंह भण्डारी , मनोज नेउपानेका ड्राइभर पिए र भान्से छन् ।

केपी ओलीले प्रधानमन्त्रीमा सपथ लिएकै दिन बहाली भएका जनसंख्या तथा वातावरण मन्त्री लालबाबु पण्डितलाई समेत प्रहरीले खुसि पार्न भ्याइसक्यो , यही मिसनका नाममा । लालबाबुले भनेर होइन, उनी खुसि होलान् भनेर उनका पिएसओ विष्णु भट्टराई छनोटमा परेका छन् । हाइटीका लागी प्रधानन्यायधीश गोपाल पराजुलीका पिएसओ शैलेन्द्र थापा गृहमन्त्री जनार्दन शर्माका कमलकान्त पुन, सिआइबीका आशिष कार्की खेलाडि जुमानु राई पनि अटाएका छन् । सुडानका लागी अख्तियारका कार्यवाहक प्रमुख आयुक्त नवीन राईका पिएसओ राधाकृष्ण कसजु हालिए । एमालेका शक्तिशाली नेता मानिने उपमहासचिव विष्णु पौडेलसंग लामो समयदेखि साथ रहेका मान बहादुर अधिकारी पनि सुडानमा पारिएका छन् । पौडेलसंगै बसेर उनी मिसनमा परेको यो दोस्रो पटक हो ।

अहिले हाइटीमा रहेको २२ औं टोलीको अवधि चैत्र २ गते सकिने भए पनि एक महिनाको म्याद थपेर वैशाख २ मा फर्किदैछ । प्रहरीहरुलाई एफपियु मिसनमा छनौटगर्नका लागी यूएन एफपियु छनौट निर्देशिका जारी भएको छ । तर त्यसलाई रद्धिको टोकरीमा फ्याकेर मन लाग्दी छनौट हुदै आएको छ । यस्तो हुदा गृहमन्त्री भइसकेका माओवादी नेता कृष्णबहादुर महराका भान्से छुटेका छन् । दुई साताअघि सेवानिवृत्त भएका अख्तियार प्रमुख दीप बस्न्यातका पिएसओको नाम काटेर उनीपछि कावा चलाइरहेका नवीन घिमिरेका पिएसओको नाम हालिएको छ । अख्तियार प्रमुखले सिफारिस नगरेपनि उनलाई खुसि पार्नका लागी प्रहरीले आफै उनका पएिसओहरुको नाम हाल्ने गरेको हो । महराका भान्से नपर्नुको कारणचाहिं ड्राइभर हाल्नका लागी हो । अहिले त्यहि कारण हाकिमहरुले मनोजलाई बसि खान दिएका छैनन् ।

उत्कृष्ट कार्य गर्ने प्रहरीको छनौटभित्रै उत्कृष्ट अनुसन्धानकर्ता पनि पर्छन् । तर यसपालिको छनौटमा अनुसन्धानतर्फका प्हरीहरु हिस्स परेका छन् । विभिन्न जिप्रका केन्द्रीय अनुसन्धान व्युरो लागु औषध , अपराध महाशाखाबाट अघिल्ला वर्ष अनिवार्य छनौट हुन्थ्यो तर यसपाली अपराध महाशाखाका इन्स्पेक्टर मनोज कुंवर र सिआइबीका रविन्द्रप्रताप शाह आइजीपि हुदा ठूलो दुःखले अनुमोदन गरिएको निर्देशिकालाई अहिलेका हाकिमहरुले सिँगान पुछेर फाल्न मात्र प्रयोग गरेको चर्चा हेडक्र्वाटरभित्र छ ।

छनौटका लागी बोर्ड बैठक राख्नुपर्नेमा यसपाली आइजिपी र मनोज नेउपाने बसेर टुंग्याए । यस्तो भद्रगोलका कारण छनौट समितिको सदस्य सचिव रहने युएन शाखाका एसएसपी श्याम खड्काले सहि गरेनन् । पछि उनलाई सदस्य सचिवबाट हटाइयो । यूएन शाखामै रहेका डिएसपी सविन प्रधान तालिमका लागी इटालीमा छन् । उनी प्रिस्याटमा फेल भएका थिए । युएन शाखामा गएपछि कता–कता भनसुन गरेर आफनो नाम युएनमा जानेमा हाल्न सफल भए । तर, तेस्रो र चौथो पटक मिसन गएकाहरु फेरि–फेरि जाने भन्दै एआइजी हेमन्त पालले सविनलाई हप्काए । उनैले आइजीलाई भनेर सविनको नाम काटेको भनिन्छ ।
जनआस्था साप्ताहिक

Comments

comments

Tags

Now Get KathmanduPati App on your mobiles.

Android App iOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android App iOS App
Scroll to Top