त्रिभुवन विमानस्थलमा यतिको जहाज चिप्लियो, तीन जना घाइते
काठमाडौं – नेपालगञ्जबाट यात्रु बोकेर आएको यति एयरलाइन्सको एटीआर जहाज त्रिभुवन अन्तर्रा्ष्ट्रिय विमानस्थलमा अवतरण गर्ने क्रममा चिप्लिएको छ ।नेपालगञ्जबाट आएको फ्लाइट नं. एनवाइटी-४२२ एटीआर ७२–५०० सो जहाजमा ३ जना चालक दल सदस्यसहित ६६ जना यात्रु थिए। २ जना बच्चा समेत सवार रहेको यतिले एयरलाइन्सले जनाएको छ ।
विमान चिप्लिएर दुर्घटना भएपछि विमानमा रहेका तीन जना यात्रु घाइते बनेका छन् । उनीहरुलाई तत्कालै एम्बुलेन्सबाट अस्पताल लगिएको छ ।
सबै सकुशल रहेको कम्पनीले दाबी गरेको छ। विमानस्थल प्रवक्ता प्रताप तिवारीका अनुसार जहाजमा चढेर आएका दुई जना घाइते भएका छन्। अन्य यात्रुलाई सकुशल उद्धार गरिएको छ।
करिब ११ बजे ९एन-एएमएम कसाइन भएको जहाज चिप्लिएपछि विमानस्थलमा रहेका ३ वटा दमकल परिचालन गरिएको उनले बताए। चिप्लिएको जहाज धावनमार्गमै रहेका कारण त्रिभुवन अन्तर्रा्ष्ट्रिय विमानस्थलबाट हुने आन्तरिक तथा अन्तर्रा्ष्ट्रिय उडान तथा अवतरण ठप्प भएका छन्।
We regret to inform you that Yeti Airlines Flight Number NYT-422 (9N-AMM) was involved in a runway excursion incident at KathmanduAirport at 11:05 Am today . All 66 passengers ( 64 adult and 2 infant) and 3 Flight Crew members onboard are safe and have been evacuated.
— Yeti Airlines (@FlyYeti) July 12, 2019
काठमाडौंतर्फ आइरहेका अन्तर्रा्ष्ट्रिय उडान डाइभर्ट गरिएका छन्। दुबईबाट आएको नेपाल एयरलाइन्सको ९ एन एएलवाई जहाज दिल्ली डाइभर्ट गरिएको छ। दिल्लीबाट आएको रोयल भुटान एयरलाइन्सको जहाज थिम्पुस्थित पारो डाइभर्ट भएको छ। बैंककबाट आएको थाइ एयरवेजको टीजी ३१९ उडान ढाका डाइभर्ट गरिएको छ।