एमालेले लेखामा पोखरेल र महिला मामिला समितिमा शाहलाई उम्मेदवार बनाउने
काठमाण्डु- नेकपा एमालेले सार्वजनिक लेखा समिति र महिला सामाजिक मामिला समितिको उम्मेदवार टुंगो लगाएको छ ।
एमालेले सोमबार हुने निर्वाचनका लागि सार्वजनिक लेखा समितिमा मोरङ २ बाट निर्वाचित सांसद ऋषिकेश पोखरेललाई उम्मेदवार बनाउने भएको हो ।
त्यस्तै, महिला तथा सामाजिक मामिला समितिमा रौतहट २ बाट निर्वाचित किरणकुमार साहलाई उम्मेदवार बनाउने तयारी गरेको एमाले स्रोतले जनाएको छ ।
संसद्को विषयगत समितिका सभापतिको मनोनयन दर्ता आइतबार हुँदैछ भने निर्वाचन गर्ने अवस्था आएमा सोमबार मतदान हुने संसद सचिवालयले जनाएको छ ।