काठमाण्डु– नेकपा (एमाले)ले सरकारको प्राकृतिक विपद् तथा राहत कोषमा ५० लाख रुपैयाँ जम्मा गर्ने निर्णय गरेको छ ।आज बसेको सचिवालयको बैठकले ५० लाख रुपैयाँ राहत कोषमा जम्मा गर्ने निर्णय गरेको हो ।

मन्त्रिपरिषद्को सोमबारको बैठकले प्रारम्भिकरुपमा १ अर्ब उक्त कोषमा जम्मा गर्ने निर्णय गरेको थियो ।एमालेको सचिवालय बैठकलगत्तै अहिले सिंहदरबारमा एमाले संसदीय दलको बैठक सुरु भएको छ ।

बैठकमा प्रधानमन्त्री एवं पार्टीका अध्यक्ष केपी शर्मा ओलीले मुलुकमा गम्भीर प्राकृतिक विपत्तिको स्थितिमा सबैका तर्फबाट उद्धार, राहत र स्वयंसेवामा लाग्न आव्हान गरेका छन् ।