बारा-२ मा उपेन्द्र यादवले बढाए मतान्तर, १ सय मतले पछि परे जनमतका कुशवाह
काठमाण्डु- बारा-२ मा सत्ता गठबन्धनका उम्मेदवार जनता समाजवादी पार्टीका अध्यक्ष उपेन्द्र यादवले अग्रता कायमै राखेका छन् ।
पछिल्लो मतपरिणाम अनुसार जसपाका यादवले ४५८ मतका साथ अग्रता कायमै राखेका हुन् । उनलाई पछ्याइरहेका जनमत पार्टीका शिवचन्द्र कुशवाहले ३५८ मत पाएका छन् ।
यसैगरी, एमालेका पुरुषोत्तम पौडेलले ३१८ मत प्राप्त गर्दा राष्ट्रिय स्वतन्त्र पार्टीका रमेश खरेलले १६९ मत पाएका छन् । बारा २ को प्रारम्भिक मतपरिणाममा उपेन्द्र यादवले जनमतका कुशवाहलाई ५४ मतान्तरले पछि पारेका थिए ।
हाल भने उपेन्द्रले मतान्तर बढाएका छन् । पछिल्लो मतपरिणाम अनुसार जसपाका यादवले जनमतका कुशवाहलाई १०० मतले पछि पारेका छन् ।
