समाचार

यूएस-बङ्ला विमान दुर्घटनामा ५१ जनाले ज्यान गुमाएको त्यो दिन

काठमाडौँ – त्रिभूवन अन्तर्रा्ष्ट्रिय विमानस्थलमा युएस–बंगला विमान दुर्घटना भएको एक वर्ष पुगेको छ । सो विमान दुर्घटनामा ५१ जनाले ज्यान गुमाएका थिए । गत वर्ष आजकै दिन अर्थात् फागुन २८ गते युएस-बंगला एयरलाइन्सको विमान अवतरणको क्रममा दुर्घटनामा परेको थियो ।

dish home

दुर्घटनामा विमानमा सवार ६७ यात्रु र चालक दलका चार सदस्य मध्ये ४७ यात्रु र चालक दलका चार सदस्य गरि ५१ जनाको ज्यान गएको थियो ।
बंगलादेशको राजधानी ढाकामा रहेको शाहजलाल अन्तर्रा्ष्ट्रिय विमानस्थलबाट उडेको सो विमानमा ३३ नेपाली, बंगलादेशी ३२ र चालक दलका चार तथा चीन र माल्दिभ्सका एक–एकजना यात्रु सवार थिए ।

दुर्घटनाको बाह्र दिनपछि विमानका प्रमुख चालक क्याप्टेन अविद सुल्तानकी श्रीमती अफ्साना खानमको उपचारको क्रममा ढाकामा मृत्यु भएको थियो । दुर्घटनाको खबर सुनेपछि विरामी परेकी उनको न्यासनल इन्स्टिच्यूट अफ न्यूरो साइन्सेज अस्पतालमा उपचार चलिरहेको थियो ।

‘क्याप्टेन तनावग्रस्त र थकित’
दुर्घटनाको छानविन गर्न गठित आयोगले भएका झण्डै एक वर्षपछि प्रतिवेदन बुझाएको छ । पूर्वसचिव यज्ञप्रसाद गौतमको अध्यक्षतामा गठित छ सदस्यीय आयोगले विमानका क्याप्टेन सुल्तान मानसिक रुपमा एकदमै तनावग्रस्त र थकित रहेको निश्कर्ष निकालेको छ ।आफैले प्रशिक्षित गरेका एक जना सहचालकले उनलाई ‘दक्ष उडान प्रशिक्षक नभएको’ भनेपछि ५२ वर्षीय सुल्तान तनावमा परेको प्रतिवेदनमा उल्लेख छ ।

आयोगले गत माघमा सरकारलाई बुझाएको प्रतिवेदनअनुसार क्याप्टेन सुल्तान उडानका बेलामा पनि अनावश्यक, गैर-व्यावसायिक र लामो संवाद गरिरहेका थिए । समितिका एक सदस्यका अनुसार उनी उडानका बेलामा निकै हतास र अस्थिर मानसिकतामा देखिएको अनुमान लगाउन सकिन्छ । चालक दलका सदस्यहरूले रक्सी वा अन्य नशालु पदार्थ सेवन गरेको भने नदेखिएको प्रतिवेदनमा उल्लेख छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top