काठमाडौं – सेती प्रादेशिक अस्पतालमा उपचार गराईरहेकी कोरोना भाइरसबाट संक्रमित ५२ वर्षीया पाना बिक आज अस्पतालबाट डिस्चार्ज भएकी छन् ।

कैलालीको लम्की चुहा नगरपालिका वडा नम्बर १ भुरुवाकी उनी सञ्चो भएर घर फर्किने कोरोना भाइरसबाट संक्रमित चौथौ व्यक्ति हुन् ।

आज साँझ साढे पाँच बजे सेती प्रादेशिक अस्पतालले उनलाई सञ्चो भएपछि डिस्चार्ज गरेको हो ।

चैत १७ गते ३५ जना सहित बिरगञ्ज बसबाट कैलालीको लम्कीस्थित घर आईपुगेकी ति महिलाको रिपोर्ट पोजिटिभ देखिएपछि बैशाख १ गते देखि सेती प्रादेशिक अस्पतालमा उपचार गराईरहेकी थिईन ।

सेती प्रादेशिक अस्पतालमा अव एक जना संक्रमित मात्र उपचारमा छिन् ।