काठमाडौं – समाजवादी पार्टीका नेता बाबुराम भट्टराईले प्रधानमन्त्री केपी शर्मा ओलीले समाजवादीलाई हानेको अध्यादेशको गोली हाफैंलाई लागेपछि फिर्ता लिएको बताएका छन् ।

प्रधानमन्त्री केपी शर्मा ओलीले आजको मन्त्रिपरिषद बैठकबाट दुवै अध्यादेश फिर्ता लिएका छन् । कुर्सीमा रहेसम्म लोकतन्त्रमाथि खतरा रहिरहने बताएका छन् ।

‘समाजवादीतर्फ हानेको अध्यादेशको गोली आफैँतिर फर्केर घाइते भएपछि श्री ७ खड्ग शमशेर बन्ने सपना देखेका केपी शर्मा ओलीले अध्यादेश फिर्ता लिएछन्,’ डाक्टर भट्टराईले ट्विटमा लेखेका छन्, ‘यसबीचमा उनी र उनको आडमा भएको गम्भीर अपराध लुक्दैन र त्यसको छानविन र कार्वाही हुनैपर्छ !’

भट्टराईले उनी कुर्सीमा रहुन्जेल लोकतन्त्रमाथि खतरा रहिरहने बताएका छन् ।

समाजवादीतर्फ हानेको अध्यादेशको गोली आफैतिर फर्केर घाइते भएपछि श्री ७ खड्ग शमशेर बन्ने सपना देखेका @kpsharmaoli ले अध्यादेश फिर्ता लिएछन्।यसवीचमा उनी र उनको आडमा भएको गम्भीर अपराध लुक्दैन र त्यसको छानवीन/कार्वाही हुनैपर्छ! उनी कुर्सीमा रहुन्जेल लोकतन्त्रमाथि खतरा रहिरहन्छ।सावधान!

— Baburam Bhattarai (@brb1954) April 24, 2020