काठमाण्डु – नेपालमा कोरोना भाइरसको संक्रमणबाट थप एक जनाको मृत्यु भएको छ । वीरगञ्ज महानगरपालिका–१५ भेडियाहीकी ४५ वर्षीया महिलाको कोरोना संक्रमणबाट ज्यान गएको हो ।

मृतक महिला उच्च रक्तचाप र थाइराइडबाट पीडित रहेको नारायणी उप–क्षेत्रिय अस्पतालका संयोजक डा. उदयनारायण सिंहले जानकारी दिए ।

मृत्युपछि महिलामा कोरोना संक्रमण पुष्टि भएको हो । योसँगै पर्सामा कोरोनाबाट मृत्यु हुनेको संख्या १८ पुगेको छ ।