काठमाण्डु – सरकारले जनता समाजवादी पार्टीका नेता तथा कार्यकर्ताहरुका मुद्दा फिर्ता लिने निर्णय गरेको छ ।
सोमबार बसेको मन्त्रिपरिषद्को बैठकले जसपाका नेता तथा कार्यकर्ताहरुका १५ वटा मुद्दा फिर्ता लिएको हो । सरकारका प्रवक्ता पार्वत गुरुङले जसपाका १२० जना नेता कार्यकर्ताहरुको मुद्दा फिर्ता लिएको जानकारी दिए ।
बैठकले कानूनी हिसाबले फिर्ता लिन मिल्ने नेपाल सरकारवादी भई चलाएको फैजदारी मुद्दाहरु फिर्ता लिने सम्बन्धी निर्देशिका २०७७ बमोजिम सरकारले १५ वटा मुद्दा फिर्ता लिएको उनले बताए ।
जसपाले आफ्ना माग पूरा भए मात्र सरकारमा सहभागी हुने बताएपछि प्रधानमन्त्री केपी शर्मा अोलीले पहल कदमी लिएका हुन् । जसपा अध्यक्ष महन्थ ठाकुर र नेता राजेन्द्र महतोसहितका नेताहरुले मधेश आन्दोलनका क्रममा जेलमा रहेका आफ्ना नेता तथा कार्यकर्ताहरुको रिहा गर्न माग गरेका थिए ।
प्रतिक्रिया