काठमाण्डु- संघ र प्रदेशसभाको निर्वाचनका अन्तर्गत राजनीतिक दल र उम्मेदवारहरुले प्रचारप्रसार गर्न अब पाँच दिन सम्म मात्रै प्रचारप्रसार गर्न पाउने छन् । मंसिर ४ गते हुने संघ र प्रदेशसभाको निर्वाचनका लागि राजनीतिक दल र उम्मेदवारहरुले प्रचारप्रसार गर्न अब पाँच दिनमात्रै बाँकी रहेको हो ।

निर्वाचन आचारसंहिताको दफा १३ मा राजनीतिक दल, उम्मेदवार, दलको भ्रातृ सङ्गठन तथा सम्बन्धित व्यक्तिले जुलुस, आमसभा, कोणसभा, बैठक, भेला वा निर्वाचन प्रचारप्रसारसम्बन्धी कार्य गर्दा पालना गर्नुपर्ने आचरणको व्यवस्थाअन्तर्गत यही कात्तिक १७ गतेदेखि मङ्सिर १ गतेसम्म प्रचारप्रसारका लागि निर्धारण गरिएको छ ।

मङ्सिर १ गते रातिदेखि प्रचारप्रसार निषेधको शान्त (मौन) अवधि भएकाले उक्त अवधिमा प्रचारप्रसार स्थिर हुने कानुनी व्यवस्था रहेको छ । आयोगले आचारसंहिताको परिपालना भइरहेको र उल्लङ्घनका घटनामा कारवाहीको क्रम जारी रहेको जनाएको छ ।