काठमाण्डु– क्रेस्ट माइक्रो लाइफ इन्स्योरेन्सले फागुन २२ गतेदेखि प्राथमिक सार्वजनिक शेयर (आइपिओ) निष्कासन गर्ने भएको छ।

कम्पनीले दोस्रो चरणमा १८ करोड ४५ लाख रुपैयाँ बराबरको १८ लाख ४५ हजार कित्ता शेयर सर्वसाधारणका लागि निष्कासन गर्ने भएको हो ।

लगानीकर्ताले फागुन २६ गतेसम्म आवेदन दिन सक्नेछन्। यदि सो अवधिमा पूर्ण आवेदन प्राप्त नभएमा, निष्काशन अवधि चैत ७ गतेसम्म थप गरिनेछ।

यसअघि १० प्रतिशत अर्थात २ करोड २५ लाख रुपैयाँ बराबरको २ लाख २५ हजार कित्ता शेयर वैदेशिक रोजगारीमा रहेका नेपालीहरूका लागि जारी गरिएको थियो। यसबाहेक कम्पनीका कर्मचारीहरूका लागि ६७ हजार ५०० कित्ता र सामूहिक लगानी कोषहरूको लागि १ लाख १२ हजार ५०० कित्ता साधारण शेयर बाँडफाँट गरिएका छन्।

क्रेस्ट माइक्रो लाइफ इन्स्योरेन्स लिमिटेडको आइपिआको शेयर निष्कासन र बिक्री प्रबन्धक एनआईएमबि एस क्यापिटल लिमिटेड रहेको छ।