काठमाण्डु – प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता हुने भएको छ । बिहीबार ओली र देउवाबीच ११ः३० बजे प्रधानमन्त्रीको सरकारी निवास बालुवाटारमा भेटवार्ता हुने भएको हो ।

उनीहरूबीच सरकारका कामकारबाही र विधेयकमा देखिएको असमझदारीबारे छलफल हुने जनाइएको छ । तर दुई शीर्ष नेताबीच मन्त्री हेरफेरबारे पनि छलफल हुन सक्ने बताइएको छ । प्रधानमन्त्री ओली तत्काल मन्त्रिपरिषद् हेरफेर गर्ने पक्षमा छन् भने देउवाले चाहेका छैनन् ।

प्रधानमन्त्री ओलीले आफ्नै दलका कतिपय मन्त्रीसहित कांग्रेस र लोसपाका मन्त्रीहरू हेरफेरको मनस्थिति बनाइसकेका छन् । यही एजेन्डासहित उनले कांग्रेस सभापति देउवासँग पनि छलफल गर्ने प्रधानमन्त्री निकट एक नेताले बताए ।