काडमाण्डु – चीनमा रोजगारदाताहरू एआई प्रतिभाको खोजीमा लागेका छन् ।

बेइजिङमा शरद ऋतु सुरु हुनासाथ रोजगार भर्ती मेलाहरू आयोजना गरिन्छ ।

ती मेलाहरूमा यस वर्ष कम्पनीहरूले एआई क्षेत्रहरूमा धेरै रोजगारीका अवसरहरू सिर्जना गरेका छन् । उनीहरूले इन्टरनेट सम्बन्धित पदहरू आवेदन माग गरेका हुन् ।

एआई इमेजिङ अध्ययन गरेका तन्नेरीहरू मेलामा झुम्मिएका छन् । एआई पृष्ठभूमि भएका नयाँ भर्नाहरूबाहेक धेरैभन्दा धेरै कम्पनीहरूले मानविकी वा सामाजिक विज्ञानमा स्नातकहरूको पनि खोजी गरेका छन् ।

किनभने एआई ठूला भाषा मोडेलहरू निर्माण गर्दा, कम्पनीहरूलाई ठूलो मात्रामा डेटा र प्रम्प्टहरू परिभाषित र परिष्कृत गर्न मद्दत चाहिन्छ । जुन इन्टर्न वा प्रशिक्षार्थीको रूपमा हालसालै स्नातक गरिएकाहरूका लागि पूर्ण रूपमा उपयुक्त मानिन्छ ।

चीनको एक अग्रणी करियर विकास प्लेटफर्मको तथ्यांकले गत वर्षको तुलनामा यस वर्षको तेस्रो त्रैमासिकमा एआई इन्जिनीयरहरूको लागि २५ प्रतिशत बढी जागिर पोस्टिङ भएको देखाएको छ ।

तथ्यांकअनुसार कृत्रिम बुद्धिमत्ता इन्जिनीयरहरूको औसत मासिक तलब लगभग ३ हजार अमेरिकी डलर छ । (सीसीटीभीप्लस)