काठमाण्डु– प्रगतिशील लोकतान्त्रिक पार्टी गठन गरेका डा. बाबुराम भट्टराई आइतबार भारत जाँदै छन् ।

भ्रमणका क्रममा डा भट्टराईले भारतका बौद्धिक, कूटनीतिक तथा शैक्षिक क्षेत्रका प्रतिनिधिहरूसँग महत्त्वपूर्ण भेटघाट र छलफल गर्नेछन्। विशेषगरी नेपाल–भारत सम्बन्ध, क्षेत्रीय सहकार्य र लोकतान्त्रिक अभ्यासका समसामयिक विषयमा उनले आफ्ना विचारहरू राख्ने उनको सचिवालयले जनाएको छ।

भट्टराईले भारतको प्रतिष्ठित शिक्षण संस्था आईआईटी बम्बईमा आयोजना हुने टेकफेस्टमा सहभागी भई दक्षिण एसियाको लोकतान्त्रिक भविष्यः युवा, प्रविधि र समावेशी लोकतन्त्रु विषयमा विशेष सम्बोधन गर्नेछन्।

यस्तै नयाँ दिल्लीस्थित इन्डिया इन्टरनेसनल सेन्टरमा साउथ एसियन फोरम फर पिपुल्स इनिसिएटिभद्वारा आयोजित एक विशेष कार्यक्रममा उनी प्रमुख वक्ताका रूपमा सहभागी हुनेछन्।

पूर्वप्रधानमन्त्री समेत रहेका भट्टराई पुस ९ गतेमात्र स्वदेश फर्किने कार्यक्रम रहेको सचिवालयले जानकारी दिएको छ ।