काठमाण्डु–२०२५ मा एक्सपेङका विद्युतीय सवारीसाधनहरूले विश्वव्यापी रूपमा करिब ६.६१ मिलियन मेट्रिक टन कार्बन उत्सर्जन न्यूनीकरणमा योगदान पुर्‍याएको छ।

जनवरीदेखि डिसेम्बर २०२५ सम्म डेलिभर गरिएका एक्सपेङ विद्युतीय सवारीसाधनहरूको सम्पूर्ण जीवनचक्र (उत्पादनदेखि प्रयोग र पुनःप्रशोधन)सम्म लाई समेटेर गरिएको समग्र मूल्याङ्कन हो।

यस उपलब्धिमा एक्सपेङका नेपालसहित विभिन्न क्षेत्रीय साझेदारीहरूबाट प्राप्त सशक्त सहयोग, प्रतिबद्धता र बढ्दो अपनत्वको महत्वपूर्ण भूमिका रहेको छ।

उक्त कार्बन न्यूनीकरण करिब १० वर्षसम्म हुर्काइएका ११ करोड बिरुवाले अवशोषण गर्ने कार्बनको मात्रा बराबर रहेको छ, जसले विद्युतीय यातायातले विश्वव्यापी उत्सर्जन घटाउन खेल्ने अर्थपूर्ण भूमिकालाई स्पष्ट पार्दछ।

उन्नत विद्युतीय पावरट्रेन, इन्टेलिजेन्ट ऊर्जा व्यवस्थापन प्रणाली र निरन्तर नवप्रवर्तनको आधारमा विकसित एक्सपेङका सवारीसाधनहरू फोसिल इन्धनमा निर्भरता घटाउँदै स्मार्ट, दक्ष तथा प्रिमियम ड्राइभिङ अनुभव प्रदान गर्न डिजाइन गरिएका छन्। सडकमा रहेको प्रत्येक एक्सपेङ सवारी स्वच्छ हावा र दिगो यातायाततर्फको एक कदम हो।

नेपालमा एक्सपेङको विस्तारले वातावरणमैत्री मोबिलिटी समाधानप्रति उपभोक्ताहरूको बढ्दो सचेतना र स्वीकार्यतालाई प्रतिबिम्बित गर्दछ। स्वच्छ अटोमोटिभ भविष्यतर्फ अग्रसर हुँदै गरेको नेपाललाई ध्यानमा राख्दै, एक्सपेङले उन्नत प्रविधि, सुरक्षा र नवप्रवर्तनमार्फत नेपालको इभि रूपान्तरणमा निरन्तर सहयोग पुर्याउने प्रतिबद्धता व्यक्त गरेको छ।