काठमाण्डु – फागुन २१ गते सम्पन्न प्रतिनिधिसभा निर्वाचन सुरक्षामा खटिएका निर्वाचन प्रहरीको बिदाई गरिएको छ ।

निर्वाचन प्रहरीलाई धन्यवाद ज्ञापनसहित प्रमाणपत्र र देशलाई आवश्यक परेको समयमा सहयोग गर्ने वाचासहित सम्मान गरि बिदाई गरिएको हो ।

उनीहरूलाई ४० कार्यदिनका लागि भर्ना गरिएको समय बिहीबार नै सकिँदै हो।

यस वर्ष नेपाल प्रहरी मातहत रहनेगरी १ लाख ३३ हजार ९८० र सशस्त्र प्रहरी मातहत खटिने गरी १५ हजार ११० सहित १ लाख ४९ हजार ९० जना निर्वाचन प्रहरी परिचालन गरिएको थियो ।

सशस्त्र प्रहरी मातहतका प्रहरीको पनि बिहीबार नै बिदाइ कार्यक्रम राखिएको छ।