काठमाण्डू– नेपाली कम्युनिष्ट पार्टी (नेकपा) संयोजक पुष्पकमल दाहाल प्रचण्ड अस्वस्थ भएका छन् ।

चिकित्सकको सल्लाहमा उनी घरमै औषधि सेवन गरेर आराम गरिरहेका छन् ।

प्रचण्डका स्वकीय सचिव गोविन्द आचार्यका अनुसार उनलाई केही दिनदेखि रुघाखोकी लागेको थियो । बिहीबारबाट ज्वरो आएको आचार्यले बताए ।

१ सय २ ज्वरो आएपछि घरमै बोलाएर स्वास्थ्य जाँच गरिएको थियो ।

‘डाक्टरले औषधि खानु, केही दिन घरमै आराम गर्नु भन्ने सुझाव दिनुभएको छ’, आचार्यले भने । अस्वस्थ भएपछि पूर्वनिर्धारित कार्यक्रम स्थगन गरिएको उनले बताए ।