काठमाण्डु– नेपाली कांग्रेसका नेता चन्द्र भण्डारीले कांग्रेसलाई फुट्न दिन नहुने बताएका छन्। सोमबार सामाजिक सञ्जालमा लेख्दै पुरानो हो, संकटमा काम लाग्न सक्छ भन्दै पार्टी फुट्न दिनु नहुने बताएका हुन् ।

उनले उनले वर्षायाममा घर भत्काउँदा सबै भिज्ने र असिना पर्दा ज्यानसमेत जान सक्ने उदाहरण दिँदै पार्टीभित्रका कमजोरी भए पनि त्यसलाई सुधार गर्दै अघि बढ्नुपर्ने धारणा राखेका छन्।

उनले लेखेका छन् ‘साथी हो, पार्टी फुट्न दिनु हुँदैन है ! पुरानो हो, संकटमा काम लाग्न सक्छ । वर्षाको समयमा घर भत्काउँदा सबै भिज्नुपर्छ। असिना आयो भने ज्यान पनि जान सक्छ, कमजोरी छन्, हुन्छन्-त्यसैले त सुधार्नुपर्छ। घरका हरेक ढुङ्गा रगतले मुछिएको माटोले अडेको छ ! खाँवाहरू शहीदका हड्डी हुन् ! विगतमा सत्ताले भुलेको पक्कै हो । मर्यादालाई नबिर्सी, जय नेपाल !’