काठमाडौं – संघीय समाजवादी पार्टी नेपालका अध्यक्ष डा. बाबुराम भट्टराई पूर्वसभामुख कृष्णबहादुर महरासँग भेट गरेका छन् । पूर्वप्रधानमन्त्रीसमेत रहेका भट्टराईले डिल्ली बजार कारागारमा गएर महरालाई भेटेका हुन् ।

सोमबार दिउँसो कारागार पुगेका डा. भट्टराईले करिब एक घन्टा महरासँग कुराकानी गरेको स्रोतले बतायो । संसद सचिवालयकी एक महिला कर्मचारीमाथि बलात्कार गरेको आरोप लागेका महरालाई काठमाडौं जिल्ला अदालतले पूर्पक्षका लागि थुनामा राख्न आदेश दिएको थियो ।

महिलाको किटानी जाहेरीपछि उनी १९ असोजमा बालुवाटारस्थित सरकारी निवासबाटै पक्राउ परेका थिए । महरा जेलपरेपछि कोही पनि भीआईपी नेता भेट्न गएका छैनन् । साथै डा. भट्टराईले रेशम चौधरीसँग पनि भेट गरेका थिए ।