बम समात्ने हवल्दार रानालाई प्रहरी मुख्यालयले बनायो असई
काठमाडौ– प्रहरी मुख्यालयले दाङको तुलसीपुरस्थित मतदान केन्द्रमा राखिएको बम समातेर चर्चामा आएका प्रहरी हवल्दार दुर्गाबहादुर रानालाइअसईमा बढुवा गरेको छ । प्रहरी प्रवक्ता सर्वेन्द्र खनालले हवल्दार रानालाई असईमा बढुवा गरिएको जानकारी दिएका छन् ।
रानाले स्थानीय तहको दोस्रो चरणको चुनावमा तुलसीपुरस्थित मतदान केन्द्रमा राखिएको बम समातेर फयाकेपछि सम्भावित मानवीय क्षति हुनबाट रोकेका थिए । उनको उक्त साहसी कामको देशभर प्रशंसा भएको थियो ।