सुरक्षा

सशस्त्र प्रहरी र अमेरिकी सेनाबीच प्राथमिक उपचार ज्ञान आदानप्रदान

काठमाडौं – सशस्त्र प्रहरी बल नेपाल र अमेरिकी सेनाले आपसी सहकार्यमा एकार्काको पहिलो प्राथमिक उपचारक क्षमता कसरी वृद्धि गर्न सकिन्छ, भन्ने संयुक्त ज्ञान आदानप्रदान गरेका छन् ।

dish home

अमेरिकी दूतावासले साउन ६ देखि १० गतेसम्म चन्द्रागिरीस्थित राष्ट्रिय सशस्त्र प्रहरी बल, नेपाल प्रशिक्षण प्रतिष्ठानमा अमेरिकी सेनाका सदस्य र सशस्त्र प्रहरी बलका १८ जना सदस्यलाई भेला गराई प्राथमिक उपचारकसम्बन्धी संयुक्त ज्ञान आदानप्रदान गराएको हो ।

अमेरिकी सैनिक र सशस्त्र प्रहरी बलबीच सम्पन्न भएको यस प्रकारको यो दोस्रो अभ्यास हो। यसअघि २०७५ चैत २५ देखि २९ गतेसम्म सशस्त्र प्रहरी बलको कुरिनटारस्थित विपद् व्यवस्थापन शिक्षालयमा पहिलो अभ्यास सञ्चालित भएको थियो।

उक्त आदानप्रदान कार्यक्रममा दुर्घटनाका घाइतेहरूको मूल्याङ्कन, च्यापिएर घाइते भएका व्यक्तिहरूको उपचारसम्बन्धी नियम, विपद् दुर्घटनाको परिदृश्य र गम्भीर घाइते बिरामीहरूको उपचारको वर्गीकरण लगायतका विषय समेटिएका छन्। आआफ्नो बृहत् ज्ञान र प्रशिक्षण अनुभवको सदुपयोग गर्दै दुवै पक्षले एकार्काको विपद्सम्बन्धी पहिलो उपचारक क्षमता सुधारका लागि उत्कृष्ट अभ्यास तथा विचार आदानप्रदान गरेका छन्।

विज्ञता आदानप्रदान कार्यक्रम अमेरिकी इन्डो प्यासिफिक कमान्ड (इन्डोपेकोम) र सशस्त्र प्रहरी बलबीच साझेदारीको एक उदाहरण हो। सुरक्षा सहयोगको प्रवर्द्धन, शान्तिपूर्ण विकासको प्रोत्साहन, आकस्मिक घटनाको प्रतिकार्य र हिंसात्मक घटनाको निवारणमार्फत् अमेरिकी इन्डोपेकोम क्षेत्रीय स्थायित्वलाई बढावा दिँदै आएको छ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top