संसदको अवरोध खुलाउन प्रचण्ड, ओली र देउवा छलफलमा
काठमाण्डु- प्रतिनिधिसभाको बैठक अगाडि कांग्रेस, एमाले र माओवादी केन्द्रका शीर्ष नेता छलफलमा जुटेका छन्। संसद्को अवरोध खुलाउन नेकपा एमालेका अध्यक्ष केपी शर्मा ओली, कांग्रेस सभापति शेरबहादुर देउवा र प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड छलफलमा जुटेका हुन् ।
प्रधानमन्त्री बनाउन प्रितम सिंह पटक-पटक दिल्ली गएको भन्ने अभिव्यक्ति दिएपछि एमालेसहितका विपक्षी दलले राजीनामा माग्दै आएका छन् । एमालेले प्रधानमन्त्री प्रचण्डले राजिनामा नदिएसम्म संसद चल्न नदिने अडान राखेको छ । यता सत्ता गठबन्धन दलहरुले भने प्रधानमन्त्री प्रचण्डले राजिनामा नदिने बताएका छन् ।
