पत्रपत्रिका

बिजुलीमा आत्मनिर्भर बन्दै नेपाल

काठमाडौं – कुलमान घिसिङ नेपाल विद्युत् प्राधिकरणका प्रमुख कार्यकारी अधिकृत नियुक्त भएको तीन वर्ष पुग्दै छ। उनी नियुक्त हुँदा देश चरम विद्युतभार कटौती (लोडसेडिङ) बाट आक्रान्त थियो।

dish home

त्यतिबेला लोडसेडिङ कसरी व्यवस्थपन गर्ने भन्ने विषय प्राधिकरणका लागि टाउको दुखाइ थियो। हुन पनि विद्युत्भार कटौती राष्ट्रिय समस्या नै थियो। तर अहिले दृश्य फेरिएको छ। सबै चिज ठीक गतिमा गयो र कुनै भवितव्य आइपरेन भने अबको एक्दुई वर्षमा उत्पादित विद्युतको व्यवस्थापन कसरी गर्ने भन्ने अर्को टाउको दुखाइको विषय हुनसक्छ।

यही महिनाका औसत आँकडा हेर्ने हो भने नेपाल विद्युत् प्राधिकरणले एक हजार २२६ मेगावाट विद्युत् आपूर्ति गरिरहँदा मुलुकमा लोडसेडिङ गर्नुपर्ने अवस्था छैन। यसमध्ये ५४७ मेगावाट बिजुली भारतबाट ल्याइएको हो। प्राधिकरणको आफ्नै आयोजनाबाट ४५२, निजीक्षेत्रबाट २२७ मेगावाट विद्युत् आपूर्ति भएको छ।

आउँदा एक वर्षमा थप हुने एक हजार दुई सय मेगावाटसमेत तीन वर्षभित्र पुग्ने तीन हजार आठ सय मेगाबाट बिजुली खपत र व्यवस्थापनका लागि ठोस योजना बनाउने काममा जुट्नुपर्छ। छिट्टै आत्मनिर्भर कुनै भवितव्य परेन अगामी आर्थिक वर्षको बजेट सार्वजिनक गर्ने क्रममा अर्थमन्त्रीले भन्न पाउनेछन्, ‘नेपाल जलविद्युत् उत्पादनमा आत्मनिर्भर भएको छ।’ यो भन्ने अवस्था ल्याउने आधार निर्माणसम्पन्न हुनै लागेका जलविद्युत् आयोजनाले दिनेछन्।

असारको अन्त्यसम्म नेपालको विद्युत् जडित क्षमता एक हजार चार सय मेगावाटको हाराहारीमा पुग्ने छ भने अर्को २०७७ असारभित्र थप एक हजार मेगावाट बिजुली थपिएर दुई हजार चार सय मेगावाट पुग्नेछ। अफ सिजनमा पनि विद्युतको उपलब्धता कम्तिमा एक हजार ८०० मेगावाट हुने नेपाल विद्युत् प्राधिकरणको आँकलन छ। यो खबर गोरखापत्र दैनिकमा छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top