बेलायती रक्षा राज्यमन्त्री किन आउंदै छन् एक्कासी नेपाल भ्रमणमा ? यस्तो छ कारण
काठमाडौँ –बेलायती सशस्त्र बलका रक्षा राज्यमन्त्री मार्क ल्याङकेस्टर नेपालको चार दिने औपचारिक भ्रमणका लागि बुधबार काठमाडौं आउँदैछन्।
मुलुकको पछिल्लो राजनीतिक अवस्थाबारे जानकारी लिन तथा नेपाल र संयुक्त अधिराज्यबीचको सुमधुर सम्बन्धलाई अझ प्रगाढ तुल्याउने उद्देश्यले बेलायती रक्षा राज्यमन्त्री मार्क ल्याङकेस्टर नेपालको चार दिने भ्रमणका लागि काठमाडौं आउन लागेका हुन्।
राष्ट्रपति विद्यादेवी भण्डारी, प्रधानमन्त्री केपी शर्मा ओली, उपप्रधानमन्त्री एवं रक्षामन्त्री ईश्वर पोखरेल, परराष्ट्रमन्त्री प्रदीपकुमार ज्ञवालीसँग उनले बेग्लाबेग्लै शिष्टाचार भेट गर्ने कार्यक्रम रहेको छ। प्रधानसेनापति पूर्णचन्द्र थापा र संयुक्त अधिराज्यका रक्षा राज्यमन्त्रीबीच भेटवार्ता हुने कार्यक्रमसमेत रहेको नेपालस्थित बेलायती राजदूतवासले जनाएको छ।
