बालबालिकाको व्यक्तित्व कसरी सुधार गर्ने ? जानी राखौं !


काठमाडौं – हरेक बालबालिकाको पहिलो शिक्षा उसको आफ्नो घरबाट प्राप्त गर्छ । त्यसैले घर नै उसको पहिलो पाठसाला हो । त्यसैले उसले घरबाट जुन शिक्षा, ज्ञान वा व्यवहार पाउँछ त्यस्तै स्वभाव बालवालिकाको हुन्छ ।

कलिलो बाल मस्तिष्क आफ्नो वरिपरि रहेका वस्तुहरुसँग बढी प्रभावित भएको हुन्छ । यसैबाट उनीहरुले आफ्नो व्यक्तित्व निर्माण गर्ने गर्दछ । त्यसैले बच्चाहरुको व्यक्तित्व विकासको लागि आफ्नो वरिपरि रहेको वस्तु र बच्चाहरुमा गरिने व्यवहारमा ध्यान दिनु पर्नेहुन्छ ।

बालबालिकालाई जहिले पनि खुसी बनाउनुहोस्
हसिलो अनुहारले सबैलाई लोभाउने गर्छ । त्यसैले बच्चाहरुलाई जहिले पनि खुसि बनाईराख्ने कोसिस गर्नुपर्छ । हप्ताको विकेन्डमा घुमाउन लाने वा उनीहरुलाई हसाउने कुरा गर्नु पर्छ । बालबालिकाहरुको व्यक्तित्व विकासको लागि पढाईको साथ साथै व्यावहारिक ज्ञान पनि अति महत्त्वपूर्ण छ ।

बालबालिकाको अगाडी शिष्ट भाषाको प्रयोग

जुन भाषाको प्रयोग अन्य ठुला सदस्यहरुले गर्दछ त्यसको सिखो बच्चाहरुले पनि गर्ने गर्छ । बच्चाहरुको अगाडी रुखो भाषाको प्रयोग नगर्नु नै बुद्धिमानी हो ।

शिष्टाचार भाषामा उनीहरुसँग कुराकानी गर्नाले बच्चामा राम्रो प्रभाव पारेको हुन्छ । उनीहरुसँग साथी जस्तै व्यवहार गर्नुपर्छ । बाल मस्तिष्कलाई कुंठिक नवनाउन उनीहरुसँग शिष्टाचार भाषाको प्रयोग गरौं ।

गाली नगर्नु

बच्चाहरु चकचके हुन्छ नै । चकचके पनले केही गल्ती पनि गरेको हुन्छ । गल्ती गरेको छ भन्दैमा उनीहरुलाई गालि गर्न उचित हुँदैन ।गाली एवं हप्कीदप्कीले बच्चाहरुको कलिलो दिमागमा पछि सम्म पनि छाप परेको हुन्छ । बच्चाहरुको सानो गल्ती गर्दा पनि उनीहरुलाई गाली वा पिट्नाले उनीहरुको मनोविज्ञानमा ठेस पुगेको हुन्छ । र पछि सम्म पनि उनीहरुको स्वभाव रुखो हुन्छ । त्यसैले बच्चालाई गालि गर्नुको सट्टा फकाउने वा सम्झाउने गर्नुपर्छ ।

प्रतिक्रिया दिनुहोस
Advertisement