बनालीकी सावित्री झुण्डिएको अवस्थामा मृत फेला


बैतडी – बैतडीको मेलौली नगरपालिका वार्ड नं. ७ बनालीमा एक किशोरीको शव फेला परेको छ । बनालीकी १९ वर्षीय किशोरी सावित्री चन्द घर नजिकैको मेलको रुखमा झुण्डिएको अवस्थामा बुधबार फेला परेकी हुन् ।

मणिलेक माध्यमिक विद्यालय काँडा मेलौलीमा कक्षा १२ अध्ययनरत छात्राको मृत्युको कारण खुल्न नसके पनि एक युवकलाई प्रहरीले नियन्त्रणमा लिएको छ ।

मृतकको कोठामा खानतलासी गर्दा सोही ठाउँका प्रशान्त क्षेत्रीको नागरिकता, फोटो फेला परेकाले अनुसन्धानका लागि क्षेत्रीलाई नियन्त्रणमा लिएको जिल्ला प्रहरी कार्यालय बैतडीका प्रमुख प्रहरी नायव उपरीक्षक नेत्रमणी गिरीले जानकारी दिए । किशोरीको सिरानीमा १० हजार नगद समेत फेला परेको प्रहरीले जनाएको छ ।

प्रतिक्रिया दिनुहोस
Advertisement