काठमाण्डु – इंग्लिस प्रिमियर लिगमा टोटनहमले चेल्सीमाथि २–० को जित रचेको छ । पछिल्लो ३६ वर्षमा चेल्सीविरुद्ध टोटनहम विजयी रहेको यो दोस्रो पटक मात्र हो ।

शनिबार भएको खेलमा कोल पाल्मारलाई रातो कार्डमा गुमाएर दस खेलाडीमा सीमित चेल्सी गोलरक्षक माइक पेन्डर्सको आत्मघाती गोलले पछाडि परेको थियो ।

स्टायफोर्ड ब्रिजमा भएको खेलमा रोबर्ट डे जेब्रीको टिमका लागि म्याथेस टेलले दोस्रो गोल थपे । सन् २०१८ यता टोटनहमले चेल्सीलाई उसकै घरमा हराएको यो पहिलो पटक हो ।

सन् १९९० यता टोटनहम आफ्ना लन्डन प्रतिद्वन्द्वीविरुद्ध सबै प्रतियोगिता घर बाहिर एकै पल्ट मात्र विजयी भएको छ । यस्तो खराव प्रदर्शनलाई बिर्साउन टोटनहमले चेल्सीविरुद्ध दोस्रो लिग जित मात्रै हात पारेको हो र यो सन् २०२३ यता पहिलो हो ।

यो जितपछि टोटनहम नौ अंकमा १२ औं स्थानमा उक्लेको छ । चेल्सी भने १२ अंकमा चौथो स्थानमा रह्यो ।