अमेरिकी सेनाका कमाण्डर फ्लिनले दिए प्रधानसेनापति शर्मालाई धन्यवाद
काठमाण्डु – अमेरिकी सेनाको प्यासिफिक कमाण्डका कमाण्डर जनरल चार्ल्स ए फ्लिनले प्रधानसेनापति प्रभुराम शर्मालाई धन्यवाद व्यक्त गरेका छन् ।
चार दिने नेपाल भ्रमण सकेर फर्किएका फ्लिनले सामाजिक सञ्जाल ट्वीटरमार्फत प्रधानसेनापति शर्मालाई धन्यवाद प्रदान गरेका हुन् । साथै उनले दुई देशबीचको दशकौं लामो रक्षा साझेदारीको कदर गर्दै नेपाली सेनासँग रणनीतिक सम्बन्ध विस्तारका लागि सहयोगको अपेक्षा गरेको समेत बताएका छन् ।
अमेरिका नेपाली सेनासँग रणनीतिक सम्बन्ध विस्तार गर्न चाहान्छ । उनले त्यसका लागि समझदारी पत्रमा हस्ताक्षरका लागि पुन दवाव दिन थालेको छ । अमेरिकाले स्टेट पार्टनरसीप प्रोग्राम (एसपीपी) को मस्यौदा पठाएर उक्त सम्झौतामा हस्ताक्षर गर्न नेपाललाई दबाब दिएको हो ।
केही दिनपछि प्रधानसेनापति शर्मा र र प्रधानमन्त्री शेरबहादुर देउवाले अमेरिकाको भ्रमण गर्दैछन् । सकेसम्म प्रधानमन्त्री देउवाको अमेरिका भ्रमणको समयमा उक्त सम्झौतामा हस्ताक्षर गर्ने वातावरण बनाउन अमेरिकाले नेपाललाई दबाब दिइरहेको छ ।
प्रधानमन्त्री देउवा र प्रधानसेनापति शर्माको अमेरिका भ्रमण गर्नुअघि आएका फ्लिनकाे नेपाल भ्रमणलाई अर्थपूर्ण रुपमा हेरिएको छ ।
I want to express my gratitude to Nepali Chief of Army Staff Gen. Sharma for a terrific visit to Nepal this week. We cherish our decades long defense partnership & look forward to future opportunities for collaboration.#USNepal75 🇺🇸🇳🇵@USARPAC @Thenepalesearmy @USEmbassyNepal pic.twitter.com/J6MrubAgpb
— USARPAC CG (@USARPAC_CG) June 14, 2022
