आज एकीकृत समाजवादी प्रवेश गर्दै घनश्याम भुसाल
काठमाण्डु – तत्कालिन नेकपा (एमाले) का नेता घनश्याम भुषाल आज नेकपा (एकीकृत समाजवादी) पार्टीमा प्रवेश गर्दैछन् । पार्टी प्रवेशबारे उनले आज शुक्रबार २ बजे पत्रकार सम्मेलन गरी त्यसबारे जानकारी गराउन लागेका छन् ।
उनलाई पार्टीको महासचिवको जिम्मेवारी दिने करिब सहमति बनेको छ । प्रतिनिधिसभा निर्वाचनमा रुपन्देहीमा एमाले नेता छविलाल विश्वकर्माबाट पराजित भएका थिए ।
निर्वाचनमा उनलाई नेकपा (माओवादी केन्द्र) ले आफ्नो भागको टिकट दिएर चुनाव लडाए पनि उनी सफल हुन सकेनन् । नेता भुषालले गत मंसिरमा भएको निर्वाचनमा नेकपा एमालेले टिकट नदिए पछि एमाले छाडेका थिए ।
