काठमाडौं-  सुनधारास्थित गुलाव रेस्टुरेन्ट र शालिमार होटलमा लागेको आगलागिमा १८ जनाको उद्धार भएको छ ।

महानगरीय प्रहरी परिसरका प्रवक्ता डिएसपी मोहन थापाले दिएको जानकारी अनुसार उद्दार गरिएका मध्ये एकजनाको अवस्था गम्भिर छ । उनलाई उपचारको लागि अस्पताल लगिएको छ ।

गुलाव रेस्टुरेन्टमा लागेको आगो सल्कदै शालिमार होटलमा पुगेको उनले बताए । भवनमा अझै फसेको हुन सक्ने र उद्दार कार्य जारी भएको उनले बताए ।

आगो नियन्त्रणका लागि नेपाली सेना, वारुणयन्त्र, नेपाल प्रहरीले  प्रयास गरिरहेको छ । के कारणले आगो लाग्यो त्यो भने एकिन हुन अझै सकेको छैन ।