काठमाण्डु – पञ्जाब किंग्सले इन्डियन प्रिमियर लिग (आईपीएल)मा मुम्बई इन्डियन्सलाई ७ विकेटले पराजित गरेको छ ।

मुम्बईको वानखेडे स्टेडियममा भएको खेलमा पञ्जाबले १९६ रनको लक्ष्य १६ ओभर ३ बलमा ३ विकेट गुमाएर पूरा गर्‍यो ।

मुम्बईले पहिले ब्याटिङ गर्दै २० ओभरमा ६ विकेट गुमाएर १९५ रन बनाएको थियो । मुम्बईका लागि क्विन्टन डि ककले उत्कृष्ट प्रदर्शन गर्दै अविजित ११२ रन बनाए । उनले ६० बलमा ८ चौका र ६ छक्का प्रहार गरे ।

१९६ रनको लक्ष्य पछ्याउने क्रममा पञ्जाबका ब्याटरले उत्कृष्ट प्रदर्शन गरे । पञ्जाबले १६ ओभर ३ बलमा ३ विकेट गुमाउँदै जित निकाल्यो । प्रभसिम्रन सिंहले ३९ बलमा ११ चौका र २ छक्काका साथ अविजित ८० रन बनाए ।

पञ्जाबका अर्शदीप सिंहले उत्कृष्ट बलिङ गर्दै ३ विकेट लिए । उनले मुम्बईको सुरुवाती ब्याटिङलाई नै दबाबमा पारे । डि ककले मुम्बईबाट शतक बनाउँदै ऐतिहासिक उपलब्धि हासिल गरे ।

अपराजित रहँदै पञ्जाब अङ्क तालिकाको शीर्षस्थानमा उक्लिएको छ । ५ खेल खेलेको मुम्बई लगातार चौथो खेलमा पराजित हुँदै २ अङ्कसहित तालिकाको नवौँ स्थानमा छ ।

आईपीएलमा शुक्रबार बेलुकी पौने ८ बजे अहमदाबादमा गुजरात र कोलकाता खेल्दैछन् । यस सिजनमा कोलकाताको प्रदर्शन निराशाजनक रहेको छ। उसले खेलेका पाँच खेलमध्ये चार खेलमा हार बेहोरेको छ भने एउटा खेल वर्षाका कारण रद्द भएको थियो। अर्कोतर्फ, गुजरातले चार खेलमध्ये दुईमा जित र दुईमा हार खेपेको छ। गुजरातले आफ्ना पछिल्ला दुई खेलमा दिल्ली र लखनउलाई पराजित गर्दै लय समातेको छ।