इटालीद्धारा नेपाललाई स्वास्थ्य सामग्री हस्तान्तरण
काठमाण्डु – इटालीले नेपाललाई स्वास्थ्य सामग्री प्रदान गरेको छ । युरोपियन युनियनको नागरिक संरक्षण संयन्त्रमार्फत इटाली सरकारले कोरोना महामारी नियन्त्रणमा सहयोगस्वरुप २० वटा भेन्टिलेटर, ६ हजार आइसोलेसन गाउन र दश हजार प्रोटेक्टिभ कवरल्स् सहयोग गरेको हो ।
नेपालका लागि युरोपियन युनियनकी राजदूत नोना डेप्रेले त्रिभुवन अन्तर्राष्ट्रिय विमानस्थलमा स्वास्थ्य तथा जनसंख्या मन्त्रालयका प्रमुख विशेषज्ञ डा. रोशन पोखरेललाई उक्त सामग्रीहरु हस्तान्तरण गरेकी छन् । हस्तान्तरणका क्रममा नेपालका लागि इटालीकी राजदूत भिन्सेन्जो डि लुकालगायत जर्मनी र फ्रान्सका राजदूत पनि सहभागी थिए ।
