नेपालको एक इन्च भूमि पनि छोड्दैनौँ : पूर्वप्रधानमन्त्री खनाल



काठमाडौँ— सत्तारसिन नेपाल कम्युनिष्ट पार्टी (नेकपा) का वरिष्ठ नेता तथा पूर्वप्रधानमन्त्री झलनाथ खनालले नेपाली भूमिमाथिकाे अतिक्रमण कुनै पनि हालतमा सह्यै नहुने बताएका छन्।

dish home

सीमा सुरक्षा गर्न नसक्दा नेपाली भूमि अतिक्रमण भइरहेकाले तत्काल आफ्नो सीमाको रक्षा गर्नुपर्ने शनिबार काठमाडाैँमा भएकाे कार्यक्रममा खनालले बताए।

भारतले सार्वजनिक गरेको नक्सामा नेपालको कालापानी क्षेत्रलाई भारतीय भू–भागमा समेटिएको सन्दर्भमा उनले भने, ‘लिम्पियाधुराबाट शुरु भएको महाकाली नदी नेपालको पश्चिमी सिमाना हो। यसलाई एकपक्षीय रूपमा परिवर्तन गर्ने अधिकार भारत सरकारलाई छैन ।’

भारतको एक इन्च भूमि नेपाललाई नचाहिने र नेपालको एक इन्च भूमि पनि नछाडिने उनको भनाई छ। नयाँ सरकार बनेको एक वर्षको अवधिमा संविधान कार्यान्वयनमा केन्द्रित हुनुपर्दा जनताको आकाङ्क्षाअनुसार काम हुननसकेको बताउँदै पूर्वप्रधानमन्त्री खनालले अब विकास निर्माणले गति लिने विश्वास व्यक्त गरे ।

Comments

comments

प्रतिक्रिया दिनुहोस
Scroll to Top