जिम्बाब्वेको राष्ट्रपति बन्न ११ जनाको उम्मेदवारी
काठमाण्डु- जिम्बाब्वेको निर्वाचन आयोगले इमर्सन मनाङ्गाग्वासहित ११ जनालाई आगामी अगस्ट २३ मा हुने आमनिर्वाचनका लागि राष्ट्रपतिको उम्मेदवार हुनका लागि योग्य ठहर गरेको छ ।
जिम्बाब्वको निर्वाचन आयोगका उपाध्यक्ष रोडनी किवाले बिहीबार राति सरकारी टेलिभिजन नेटवर्क जेडटीएनलाई दिएको जानकारीअनुसार राष्ट्रपतिपदका लागि योग्य ११ जनाले उम्मेदवारी दर्ता गराएका छन् ।
निर्वाचन लड्नका लागि योग्य मानिएका उम्मेदवारहरूमा परिवर्तनको लागि नागरिक गठबन्धनका नेल्सन चामिसा, पूर्व जानू–पीएफका वरिष्ठ अधिकारी तथा सरकारका मन्त्री सेभियर कासुकुवेरे, संविधान सभाका नेशनल कन्स्टिच्युसनल एसेम्बलीका विपक्षी नेता लभमोर मधुकु, जिम्बाब्वे कोलिशन फर पिस एन्ड डेभलपमेन्टका ट्रस्ट सिकोहोरा, विपक्षी मुभमेन्ट फर डेमोक्रेटिक चेन्ज पार्टीका डगलस मवोन्जोरा, फ्रिजिम कंग्रेसका नेता जोसेफ मकाम्बा बुशालगायत रहेका छन् ।
दोस्रो पटक पाँच वर्षे कार्यकालका लागि पुनः निर्वाचित हुन चाहने मनङ्गाग्वाले शनिबार म्यानिकल र प्रान्तको चिपिङ्गेमा सत्तारुढ जानु–पिएफको घोषणापत्र र चुनावी अभियान सुरु गर्ने बताएका छन् ।
