‘मधेश प्रदेश’ मा आज सार्वजनिक विदा
काठमाण्डु – प्रदेश २ ‘मधेश प्रदेश’ मा आज सार्वजनिक विदा दिइएको छ । नाम र राजधानी तोक्न सफल भएको खुसीयालीमा मधेश प्रदेश सरकारले आज प्रदेशभर सार्वजनिक बिदा घोषणा गरेको हो ।
सोमबार मतदान प्रक्रियाबाट प्रदेशको नाम ‘मधेश’ र राजधानी ‘जनकपुरधाम’ तय भएको खुसीयालीमा सार्वजनिक बिदा दिने घोषणा गरिएको प्रदेश सरकारका प्रवक्ता तथा अर्थमन्त्री शैलेन्द्रप्रसाद साहले जानकारी दिए ।
यता प्रदेश १ ले भने अझै नाम टुङ्गो लगाउन सकेको छैन । यसअघि वाग्मती, गण्डकी, लुम्बिनी, कर्णाली र सुदूरपश्चिम प्रदेशको नाम टुङ्गो लागिसकेको छ ।
